EH EKO TREK: Urbasako Natura Parkea

Colaboradores – Laguntzaileak: Donostia Kirolak – Gipuzkoako Foru Aldundia

GOMENDIOAK:

Ohizkoak: mendiko botak, goretex edo txubaskero, txanoa eta eskularruak, hamaiketakoa, bazkaria eta ura. Txangoan zehar jango da, janaria eta ura eraman. Nahitaezkoa da ordezko arropa eta oinetakoak bigarren poltsa batean eramatea.

DESKRIBAPENA:

Portugaingo aparkalekutik abiatuko gara, NA-718 errepideko 31. kilometroan, Olatzagutia eta Zudairi lotzen dituen bidean. Morterutxoko bidezidorretik aurrera egingo dugu, aisialdi gunerantz eta egokitutako ibilbiderantz, gezi berdeei jarraituz. Ondoren, pagadian barneratuko gara eta aldapa piko bat igoko dugu Urbasa mendilerroko iparraldeko gandorrera iritsi arte. Gandorra zeharkatuz, Bargagain (1.153 m) tontorrera helduko gara, eta bertatik ikuspegi zoragarriak izango ditugu: mendebaldean Arabako lautada, eta ekialdean Aratz-Aizkorri, Aralar eta Beriain mendiguneak.
Ondoren, beherantz egingo dugu berriro pagadian barneratuz, ‘mendizaleen bidetik’. Laster, forma bitxiko harri handiak ikusiko ditugu nonahi, eta horrela iritsiko gara ‘baso sorgindura’, bere formazio harrigarriekin: hemen musker bat, han urpeko ontzi bat, erraldoi bat… Natura ikuskizun zoragarri honetaz gozatu ondoren, Morterutxorantz itzuliko gara, baina ezkerretara egingo dugu ‘artzainen bidetik’ jarraitzeko, gezi gorriak gidari. Ibilbide honek Urbasa mendilerroa iparretik hegoaldera zeharkatzen du, artzainak oraindik erabiltzen duten antzinako bide-zidorretik, abereak mendizaldera eramateko.
Azkenik, “itinerario de las fuentes” konektatuko dugu, gezi urdinez seinalatua, eta hark Severinoren bordaraino eramango gaitu, artzaintzaren interpretazio zentroa eta ibilbidearen amaiera.
Bidean zehar bazkalduko dugu eta Donostiara 18:30 etan helduko gara.