MENDIA: LEIRE-LAS LERAS-KASTELLAR-ARANGOITI

Colaboradores – Laguntzaileak: Donostia Kirolak – Gipuzkoako Foru Aldundia

Ba al zenekien gure Elkarteko buzoia Leire mendilerroko gailur batean dagoela 1972ko maiatzaz geroztik? Ezagutzea gustatuko litzaizuke? Eta ba al dakizu gailur hori Ehun mendiko zerrendakoa dela? Eta gainera, gure Zinta Urdinerako behar ditugun hiru “E”-tako batez hasten dela!
Ba al zenekien Leire mendilerroko gailurrik altuena ez dela Arangoiti? Las Leras-era igo al zara inoiz?
Leire mendilerroko zeharkaldia egitera gonbidatzen zaitugu, Castillonuevotik (Zaragozako mugatik) abiatu eta Leireko Santutegiraino. Bidean zehar, gutxi bisitatzen diren Escalar, Pasopetón, Las Leras, Kastellar eta, denborak uzten badu, Arangoiti gailurra, eta Paso del Oso-ko begi natural ederra bisitatuko dugu.
Ibilbidearen zati handi bat sasi artean eta pagadian barna doa, ia biderik gabe, mendilerroko harrizko ertzetatik ikuspegi zoragarriez gozatzeko eta oso gutxi ezagutzen diren txoko xarmangarriak aurkitzeko.
Ez dago urik ibilbidean zehar.
Gomendioa: eraman beso eta hankak babestuta azka dagoelako.