HITZALDIA: ANDER IZAGIRRE – VUELTA AL PAÍS DE ELKANO

AZALPENA:

SARRERA GONBIDAPENAREKIN, ARETOA BETE ARTE.

Urriaren 23an, 19:00etan, Elkartean.

Uneko erakusketaren jardueren barruan —‘Iparraldera begira’ izenekoa, non iparrorratz eta mapa bilduma interesgarri bat ikus daitekeen—, Ander Izagirrek bidaia liluragarri bat proposatuko digu. Bertan, pertsonaia harrigarriak ezagutuko ditugu: nabigatzaileak eta esklaboak, meatzariak eta poetak, baleazaleak eta arkeologoak… Gure historia berriro pentsatzen eta geure burua hobeto ulertzen lagunduko digutenak. Hori guztia, bere estilo bereizgarriarekin: bidaia-kronika, abentura, umorea eta hausnarketa.

“Ondo dator guztiari buelta ematea. Herrialdeei bereziki.”